Badla amalahle abanye abantu eZimbabwe abathi bamangaliswa nguhulumende kaMongameli Emmerson Mnangagwa othengele amapholisa imota ezingamakhulu amane lengxenye – 450 ezizasetshenziswa ngesikhathi kuqhutshwa umhlangano weSouthern African Development Community (SADC) Summit eHarare.
Imota lezi ezohlobo lweFord zibiza phose inkulungwane ezingamatshumi amane amadollar eMelika – S$36,500 inye ngayinye.
Uhulumende uthi zizasetshenziswa ukulondoloza ukuthula eZimbabwe hatshi kuphela ngesikhathi kuqhutshwa umhlangano weSADC Summit ngeviki ezayo.
Omunye wababambe owangaphansi ngokuthengwa kwezimota lezi nguMnu. Rejoice Ngwenya, umqondisi wenhlanganiso yeCommon Market for Liberal Solutions.
Okubandla leZanu PF, uMnu. Believe Gaule, uthi kuqondile okwenziwe nguhulumende.
Forum