Kulequla leSouthern African Development Community elethekelela eZimbabwe okulamalunga ebandla leZanu PF aseqolotsha ethakazelela ukuba uMongameli Emmerson Mnangagwa uzabamba isikhundla somgcinisihlalo okwesikhatshana.
Kodwa abaphikisayo bathi lokhu akutsho lutho ngoba isikhundla lesi esiphansi kwele Angola okwamanje sinikwa yonke inkokheli yeZansi yezwekazi leAfrica kungakhathalekile ukuba yephula ilungelo likazulu kumbe hatshi.
Abaphikisayo balokhu bekhala ngempumela yokhetho olwaqhutshwa nyakenye besithi bafisa ukuba iSADC ikhangele udaba lolu hatshi isikhundla somgcinisihlalo wenhlanganiso le esifana nje lesigamba esisebhulugweni eselidabuke laze labazintshaka.
Inhlanganiso yeSADC yakubeka sobala kusanda kwenziwa ukhetho eZimbabwe ukuba kalwenziwanga ngemfanelo ngakho-ke kumele abantu bakwele Zimbabwe belungise indlela eziphezulu zokuqhuba ukhetho. Ibandla leZanu PF lithi seladuma ledlula.
Kodwa abaphikisayo lokhu bemelele ukuzwa okunye njalo okungenziwa yiSADC njengalokhu okwathenjiswa nguMnu. Nelson Chamisa engakatshiyi ibandla leCCC.
Ukuze sizwe okungengi ngodaba lolu, iStudio 7 ixoxe loMnu. Joseph Tshuma omele iPelandaba-Tshabalala edale lephalamende njalo okudale leZanu PF Central Committee.
UTshuma uthi okokhetho sokwedlula ngakho-ke sobumele abantu bebhakane lokwenziwa yiSADC, okuhambelana lesikhundla somngcinisihlalo wenhlanganiso le.
Kodwa uMkhwananzi othi lokhu eyisikhulumeli sebandla leCCC uthi akutsho lutho ukuphatha isikhundla lesi.
Forum