Isiphathamandla sikahulumende esibona ngokusetshenziswa kwemali ngemfanelo uAuditor-General uNkosikazi Mildred Chiri uthi uhulumende kathathi inyathelo eliqinileyo elokujezisa abatholakala betshaphaza imali kumankampani kahulumende, ngemva kokuba iwofisi yakhe isikuvezile lokhu.
Lokhu kwenzakala umphathintambo wogatsha lukahulumende olubona ngezemali uMnu. Patrick Chinamasa egcizelele izolo ku board entsha eyeZIMRA ukuthi kufanele isebenze ngokuthembeka ukwenzela ukuthi ilondoloze imali yelizwe njalo ifeze izinqumo zohlelo lokuthuthukisa umnotho olweZIMMASET.
Ukuze sizwe okunengi ngodaba lwe audit, sixoxe loMnu. Albert Mhlanga owayelilunga lamakhomithi ayeqondane laloludaba edale lephalamende; eye Transport and Infrastructural Development, kanye leye Small and Medium Enterprises, yena ochasisa ngemizamo eyenziwa ngamalunga edale lephalamende ngodaba lwe audit.
