Odokotela asebelensuku ezingamatshumi amabili lanthathu bekhalale umsebenzi bathi kabasoze belandele isinqumo senkantolo sokuthi kumele babuyele emsebenzini ngesiphangiphangi.
UDokotela Mthabisi Bhebhe, unobhala jikelele wenhlanganiso yabodokotela eyeZimbabwe Hospital Doctors’ Association, uthi isinqumo senkantolo esethulwe ngoMgqibelo ntambama kasibancedi ngoba uhulumende kakalungisi okubahluphayo okunjengokuba hlawula iholo ngamadola lokubadingela imitshina yokusebenzisa ezibhedlela.
UBhebhe uthi bazimisele ukuxotshwa umsebenzi ngoba kabasoze bathole lutho bangabuyela emsebenzini.
Kasenelisanga ukukhuluma leziphathamandla zikahulumende ngodaba lolu.
UDokotela Xolani Ndlovu, osaphethe okwamanje inhlelo zokwelapha eMpilo Hospital, uthi odokotela lokhe bekhalala umsebenzi lobanje inkantolo yeLabor Court yethule isinqumo sokuthi abuyele emsebenzini.
