Abantu abanengi eZimbabwe bathi anyamalala amabandla amanengi aphikisayo kusanda kwenziwa ukhetho nyakhenye njalo kukhangelelwe ukuba azaqala ukungena emphakathini ngesikhathi ilizwe liqhuba ukhetho ngomnyaka ka2028.
Bathi lokhu kuyamangalisa ngoba kawaqedakali ukuba enzani ngaphandle kwele Citizens Coalition for Change lokwenziwa kulez’insuku yiBlue Movement elungiselela uMnu. Nelson Chamisa indlela yokusungula ibandla elitshi.
Kodwa amabandla aphikisayo athi kawanyamalalanga kulandela ukhetho olwaqutshwa ngoNcwabakazi nyakenye.
Athi kunzima ukwenza imikhankaso eminengi ngenxa yokuswela imali njalo langoccuku lukahulumende weZimbabawe.
Ibandla elibusayo lithi amabandla la adinga imali kumbe okungabanceda empilweni hatshi ukulwela okufiswa nguzulu. UMnu. Innocent Ndibani, umkhokheli webandle le-Economic Freedom Fighters Zimbabwe uthi kabayindawo.
Ibandla leZapu lona lithi okwamanje liqhuba umkhankaso wokususa uMongameli Emmerson Mnangagwa esikhundleni kungakafiki ukhetho oluzaqhutshwa ngomnyaka ka2028.
UNobhela jikelele webandla leli uMnu. Mthulisi Hanana uthi basebenza lozulu kuhlelo lolu ngakho-ke ngamanga ukuba kabakho emphakathini.
Okubandla leZan PF, uMnu. Kuda Munsaka, uthi wonke amabandla aphikisayo aphanda imali ngendlela ezingaqedakaliyo.
Forum