Amagqwetha amele uMongameli Donald Trump lamalunga ebandla lama Democrats banikwe ithuba ngoLwesithathu langoLwesine lokubuzabuza ngecala eletheswa uTrump elokuthi wayefuna ukusebenzisa ilizwe leUkrainne okungekho emthethweni esenzela ukunqoba kukhetho loluzayo.
Amagqwetha kaTrump athe akulacala alidalayo umongameli wakwele Melika, okuthiwa wamisa ukuhambisa uncedo lwezikhali kwele UKrainne esenzela ukuthi ilizwe lelo lethese icala lokungethembeki uMnu. Hunter Biden, umtaka Joe Biden, olakho ukuncintisana loTrump kukhetho lukamongameli oluzakwenziwa ngoLwezi lonyaka.
Kodwa-ke abakubandla lama Democrats batshele idale leSenate ukuthi uTrump wayefuna ukungcolisa igama lika Joe Biden.
Kukhangelelwe ukuthi ngoLwesihlanu amalunga edale leSenate azavotela ukuba kube labafakazi kumbe hatshi ekuthonisweni icala eletheswa uTrump.
Ukuze sihlaziye sixoxe loNkosikazi Priscilla Ndlovu, ingcwethi kwezombusazwe ezimele yodwa, othi ukukacaci okuzakwenziwa ngamalunga edale leSenate ngokuthi kubizwe abafakazi edale leli.
