Amazwi kaChivayo Awokuthi Ubambe uMnangagwa Xhaka Ngamatomu Luphehla Ukufuthelana kuZanu PF

Soluphehle ukufuthelana okukhulu kubandla leZanu PF udaba lwamazwi asenkundleni zokuxhumana abikwa engakasomabhizimusi osekela lelibandla uMnu Wicknell Chivayo, lapho azwakala ezitshaya khona isifuba esithi uthola amakontilaha abhadala izigidi zamadola kuhulumende ngoba ebambe uMongameli Emmerson Mnangagwa ngamatomu.

Kumbiko we-audio lo, uChivayo uziqhenya ngokuthi uMnangagwa umenza umntanakhe, ngokunjalo uthi ukhomba ngophakathi.

Iziphathamandla zeZanu PF ezinengi zithi uChivayo kumele athathelwe amanyathelo ngoba etshengise ukudelela uMongameli Mnangagwa.

Kodwa yena uyakulandula lokhu esithi kayisuye okhulumayo ku-audio le.

Ilunga leZanu PF uMnu Believe Gaule utshele iStudio 7 ukuthi ngempela lokhu kungabe kwenziwe yizitha zikaChivayo ezimlomhawu ngokuzwanana kwakhe loMnangagwa.

Kodwa ilunga leCCC uMnu Swithern Chiroodza uthi lanxa iqiniso lingakhanyi kuhle, okusobala yikuthi uChivayo ngusomabhizimusi ongethembekanga ohuquluza imali kazulu.

Embed share

Udaba lukaChivayo Othi Ubambe uMnagagwa Ngamatomu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:39 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala