Isizalwane seZimbabwe uDokotela David Wilson nguye usephiwe isikhundla sokuba ngumqondisi wenhlelo zeHIV le AIDS emhlabeni jikelele ebhanga leWorld bank.
U Wilson uthatha lesisikhundla ngaphambilini komhlangano omkhulu weInternational Aids Conference owenzelwa e Vienna kwele Austria.
Umhlangano lo uqala ngomgqibelo 18 July usiyaphela mhlaka 23. Esemukela lesi sikhundla uDR Wilson uthe kuqakathekile ukuthi amazwe angezansi kwe zwekazi leAfrica aqinise inhlelo zawo zokuvikela ukumemetheka kwegcikwane le HIV lomkhuhlane wengculaza.
Uphinde wathi ubunzima obukade bubhekane lamazwe la ekuvikeleni ukumemetheka kwegcikwane eminyakeni engamatshumi amathathu edluleyo yibunzima amazwe la alokhe ebhekane labo namhlanje.
Ingcwethi emkhuhlaneni wengculaza udokotela Joshua Sibanda uvumelana lodokotela Wilson ukuthi ohulumende bangezansi yeafrica kumele baqhelise inhlelo zawo zokuvikela ukumemetheka kwe HIV le AIDS
