WASHINGTON —
Umqeqetshi wama Warriors, uCallisto Pasuwa, esanda kuphuma enkundleni eFranceville, Gabon.
UKhama Billiat
Iqembu leZimbabwe Warriors lidliwe ngele Tunisia 4-2 emdlalweni weAfrica Cup of Nations odlalelwe eFranceville, Gabon, ngoMvulo ntambama.
Abahlohlele iqembu leZimbabwe nguKnowledge Musona loTendai Ndoro.
Ama Warriors ahle aphela umkantsho umdlalo usanda kuqalisa kwaqhubeka kunjalo waze waya emaphethelweni.
Abafana beTunisia kade belamadlabuzane amangalisayo kuthi ama Warriors bekungani basindwa ngamadolo.
Ukudliwa kwabo kutsho ukuthi ama Warriors asephumile kumcintiswano lo. Kusenjalo, kusibaya seGroup B njalo, kubengutshiki lobhanqa phakathi kwe Algeria leSenegal emdlalweni ofanayo.