Amasela ahlome aphelela athathela induna uMarupi eGwanda South imota asanda kuyiphiwa nguhulumende kaMongameli Emmerson Mnanagwa.
Amasela la agqekeze emzini wakhe emadabukakusa namuhla amthathele njalo omakhalekhukhwini ababili lemali edlula inkulungwane ezintathu zamaRand- 3,200 rands, ambophe imbila zikakonde engakabaleki ngemota yakhe.
Izihlobo zenduna le zithi uthithibele induna enga engalinyazwanga ngabantu laba. Amapholisa athi aseluhlolisisa udaba lolu.
Kusenjalo, amapholisa aseveze amagama abantu abayisithupha abacatshangelwa ukuba bahluthuna imali yeEcobank koBulawayo eyizigidi ezine zamadollar eMelika – 4 million U.S dollars.
Amapholisa ethule amafama abantu laba enkundleni yokuxhumana eyeX esithi asebembisana lawakwamanye amazwe ekudingeni amasela la.
Abacatshangelwa ukuba badala icala leli ng Elijah Vumbunu, owaziwa ngegama lokusoma elithi Mupositori, uDavid Sawadye, Israel Zulu, Kudakwashe Mudzingwa ozithi nguUmbro, Takafa Vumbunu owaziwa njalo ngegama elithi Naison Mahembe, Paul Chinake lo Brian Murape.
Amapholisa anakanela ukuba abantu laba babalekela kwele South Africa besanda kuhluthuna imali yeEcobank.
Forum