Amapholisa eMelika Athi Asaphenya Ukubulawa Kwabantu Abangu-14 Ngowesilila Obagxobe Ngemota Ngabomu

Amapholisa aseMelika awogatsha lweFBI athi asaphenya udaba lowesilisa owake waba libutho ogxobe wabulala abantu abalitshumi lane, 14, eNew Orleans, ngabomu ngemota ngesikhathi bethakazelela umnyaka omutsha ngoLwesithathu.

Umsolwa nguShamsud-Din Jabbar, yena obikwa ebethwele i-flag yeqembu labahlamuki besiMoslem abedlulisa amalawulo ele-ISIS, lona athi ulilunga lalo.

Umsolwa udutshulwe wafa ngamapholisa.

Kwesinye njalo isehlakalo, kulowesilisa obekubutho ofileyo ngemva kokutsha kwemota abehamba ngayo ebithwele izinto ezidubukayo phambi kwehotela kaMnu Donald Trump, yena osemelele ukungena esikhundleni sikaMongameli weMelika mhlaka 20 ngoZibandlela.

I-FBI ithi isaphenya isehlakalo lesi njalo ithi akulabufakazi bokuthi izehlakalo zombili zenziwe ngabantu abalobudlelwano.

UMongameli Joe Biden usole izehlakalo zombili kodwa uTrump yena uchothoze uBiden esithi umgumbusi omdambiyana yikho kusenzakala udlakela olunje.

Ukuhlaziya loludaba sixoxe lolandela ezombusazwe zeMelika uMnu Tim Muringai yena othi bekukhangelelwe ukuthi uTrump achothoze uBiden phezu kwaloludaba.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:57 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala