Ekuqhubekeni kokukhalala umsebenzi okwenziwa yizisebenzi zikahulumende inhlanganiso yezisebenzi, iZimbabwe Congress of Trade Unions, ZCTY, ithi amapholisa asekhuthaza izisebenzi ukuthi zikhalale umsebenzi. Izisebenzi zikahulumende sezilamalanga alitshumi lane zikhalele umsebenzi zisithi zifuna ukwengezelelwa iholo.
Umsekeli kanobhala jikelele weZCTU, uMnu. Japhet Moyo utshele uChris Gande weStudio 7 ukuthi ukungenela kwamapholisa labezombusazwe kudaba lweholo sekubangele ukuthi ezinye izisebenzi zibone kungcono ukuphindela emsebenzini.
