Amapholisa athi abophe iziphathamandla zebandla leMDC Alliance ezibalisa oNkosazana Joanna Mamombe, Cecelia Chimbiri lo Netsai Marova ebethesa icala lokutshengisela eHarare ngoMvulo.
Embikweni owethulwe ngoMvulo ntambama, amapholisa athi abathathu laba bebetshayela imota yeToyota Fortuner engelampawu zama number plates elandele eyamapholisa.
Ngesikhathi sisiya emoyeni, amagqwetha amela abathathu ababotshiweyo abesithi akukacaci ngokusemthethweni ukuthi babotshelweni.
Bake bahlala entolongweni ngomnyaka odluleyo besetheswa icala lokuthi baqamba amanga ngokuthi bathunjwa njalo bahlukuluzwa ngamapholisa.
Esinye isiphathamandla seMDC Alliance uMnu. Job Sikhala siphiwe imvumo yokukhululwa ngemali yesibambiso eye bail.
Ibandla leMDC Alliance lithi liyakusola ukubotshwa kweziphathamandla zalo kanye labanye abalwela ilungelo loluntu.
Sixoxa loNkosikazi Barbara Tanyanyiwa, obona ngokwethulwa kwembiko kugatsha lwabesifazana kulelibandla.
Ngakwelinye icele inhlanganiso ebona ngokulwisana lenkohlakalo, eyeZimbabwe Anti-Corruption Commission, isimeme isiphathamandla samapholisa uMnu. Erasmus Makodza ngokuphathelane lenkohlakalo.