WASHINGTON DC —
Lamuhla kuhlelo Liphuma Lendaba Litshona Lendaba sixoxa lomkhokheli wenhlanganiso elwela ilungelo lezisebenzi, iZCTU, uMnu. George Nkiwane ngodaba lokuthi izisebenzi ezinengi kazisoze ziphenduke emsebenzini ngemva kwekhefu lekhisimusi ngoba amafekitale kawasoze avule njalo.
UNkiwane uthi umumo mubi kakhulu ngoba inkokheli zombusazwe seziphatheke ngokudonselana amandla zifuna izikhundla zingasanakekeli uzulu ngokulungisisa umnotho welizwe usumi nganxele.
UNkiwane uthi njengenhlanganiso baphakathi kokukhulumisana lamalunga abo ukuthi babone ukuthi kungathathwa nyathelo bani ukuthi balungisise udaba lolu ngoba okokukhalala umsebennzi ababekwenza ngeminyaka edluleyo akusasebenzi.
