Uhulumende selaye amankampani asemsebenzini wokwemba ukuthi ehlise isilinganiso samandla kagetsi awasebenzisayo ngokungamatshumi amabili lanhlanu ekhulwini.
Umphathintambo wezamagetsi utshele idale lephalamende ngoLwesibili ukuthi uhulumende uthethe amanyathelo la emizameni yokulondoloza amagetsi, wona aqhubeka esilela ngamandla elizweni.
Ingcwethi kwezenotho zithi lokhu kulakho ukubangela ukuvalwa kwamankambani emigodi amanengi.
Usomabhizimusi wakoBulawayo uMnu Sam Ncube uthi uhulumende kumele alungisise loludaba ngokuphangisa njalo aqakathekise ukusetshenziswa kwamandla esolar .
"Inkinga yethu njengelizwe yikwehluleka ukuhlela into zethu kuhle," kutsho uMnu Ncube.
"Kumele sihlale sizilungiselele. Udubo lolu ngabe lwakhangelwa lwalungiselelwa eminyakeni engamatshumi amabili lanhlanu edluleyo."
