Izakhamizi zesigaba se Matabeleland South ziphakathi kokujabula kulandela imbiko kamsekeli kamongameli, uMnu. Phelekezela Mphoko eyokuthi ipholisa lensitha ele CIO uMnu. Rodney Mashingaidze kumele asuke epulazini le ngemva kokungena kwakhe ngenyanga edluleyo.
Inyathelo lika Mphoko liza ngemva kokuba umahluli, uNkosikazi Nokuthula Moyo, laye ephe isinqumo sokuba uMashingaidze kumele asuke epulazini leli eliphathisa izakhamizi ezinengi ngokufundisa ukulima, isikolo, lesonto.
UMphoko uqale waba lomhlangano logatsha lwezokwaba umhlabathi olwe Matabeleland South Lands committee ngoMgqibelo wasesiba lomunye njalo lapho ahlangane khona lenduna ezibikwa zimtshele ukuthi uzulu ucunulwe ngodaba luka Mashingaidze.
UMphoko utshele intathelizindaba ukuthi lanxa uMashingaidze eyisizlwane se Zimbabwe esilelungelo lokuphiwa umhlabathi akumelanga aphiwe ipulazi leMaleme ngoba lisetshenziswa okusemthethweni.
UChris Gande weStudio Seven uxoxe legqwetha ebelimele izakhamizi, uMnu. Josphat Tshuma othi uMashingaidze wephula umthetho ngokuxotsha abantu abathathele izilimo zabo.
