Amalunga eTransform Zimbabwe Abotshwa Okwesikhatshana eTsholotsho

WASHINGTON —  Amalunga ambalwa enhlanganiso yezombusazwe eye Transform Zimbabwe abotshwe okwesikhatshana ngamapholisa eTsholotsho ngoLwesine ngemva kokwabela abantu bakulindawo amaphetshena abelotshwe okumayelana lalelibandla duzane lenkonzo ye Brethren Church of Christ eTsholotsho Business Center.

Umkhokheli walelibandla uMnu. Jacob Ngarivhume uthi ukhulumisane lamapholisa andubana ababotshiweyo bakhululwa.

Ibandla leli lithi lisabhoda-bhoda elizweni lichasisela abantu ngenjongo yalo.

UNkosikazi Praise Sibanda, umqoqi wenhlelo zalelibandla esigabeni seMatabeleland North utshele uSithandekile Mhlanga weStudio 7 ukuthi amapholisa athe azabazisa nxa kulecala abalidalayo.