Amagqwetha alwela amalungelo kazulu akunhlanganiso yeZimbabwe Lawyers for Human Rights (ZLHR) athi asekela okwethulwe ngabafundisi beRoma abathi uhulumende kaMongameli Emmerson Mnangagwa ukhahlameza uzulu.
Abafundisi laba, abethule imbiko ojulileyo oveza okwenzakala eZimbabwe, bathi kulobukhohlakali obethusayo kuhulumende njalo abantu kabavunyelwa ukukhuluma ababhekane lakho.
Inhlanganiso le ithi abafundisi balelungelo lokwethula abakufunayo ngoba kulotshwe kusisekelo sombuso welizwe ukuthi izizalwane zakwele Zimbabwe zilelungelo lokukhuluma ezikucabangayo ngaso sonke isikhathi.
Kodwa-ke uNkosikazi Monica Mutsvangwa, umphathintambo wohlangothi olubona ngokwethulwa kwemibiko, uthi abafundisi laba basenga ezimithiyo.
Uthi abanye babo abadaduka eMatabeleland abalalungelo lokukhuluma ngokwenzakala elizweni ngoba balutshwani abantu bohlobo lweSindebele.
Inkulumo yakhe isizondise abantu abanengi eZimbabwe abathi kumele uhulumende axolise akwethule emphakathini ngabanye abantu bakwele Zimbabwe.
Inhlanganiso yeZLHR layo ithi kumele uhulumende axolise ngoba uveza inzondo emangalisayo elakho ukuxabanisa abantu.