UMnu. Douglas Mwonzora wenelise ukubhalisa amabizo amalunga ebandla lakhe afisa ukuncintisa kukhetho lwama by-elections esebenzisa ibizo elithi MDC Alliance.
Amanye amabandla agoqela elitsha eleCitizens Coalition for Change lele ZANU PF lawo enelisile ukubhalisa.
Ngemva kokuphela kohlelo lolu ekutshoneni kwelanga isikhulumeli seMDC Alliance, uMnu. Witness Dube, uthe benelise ukubhalisa abazancintisa endaweni ezinengi loba bebelohlupho eTsholotsho.
“Sifakile amaphepha indawo yonke eMatebeland North, eBinga North, eNsiza eHarare. Kukhanya kuhambe kuhle. Ukhetho silulungiselele kakhulu. Besivele sisebantwini.”
UMnu. Felix Mafa umsekeli wesikhulumeli sebandla leCitizens Coalition for Change elikhokhelwa nguMnu. Nelson Chamisa laye uchasisa ngabakwenza kubandla lakhe.
“Amakhansila ethu eneliseli ukubhalise. Silabantu abazangena kukhansili laku phalamende. Silabantu abangaqhawe afela ukuzinekele ukulanda imisebenzi emihle lokuthatha izihlalo”
Ingcitshi kwezombusazwe uMnu Pride Mkono uthi kwezinye indawo kuzaba lokutshikilisana kwamabandla ezombusawe kodwa kwezinye indawo kumgceke ukuthi yiliphi ibandla elinqobayo.
“Ibandla lika Chamisa lilakho ukunqoba kodwa kula maseats angamanga kuhle. Singakhangela indawo ezifana labo Epworth izakuba lokulwisana okukhulu”
Idale le Nomination Court eleHarare liqale umsebenzi wokubhalisa abafisa ukuncithisa kukhetho lwama by-Elections, lukaMbimbitho mhla ka 26, namhlanje ekuseni, laselikhipha amabizo abantu abazancintisa ntambama.