Abongi besibhedlela seMpilo, koBulawayo bebetshengisela bekhonona ngokuthi isibhedlela sibabamba ngamandla ukusebenza insuku ezinhlanu ngeviki kukanti balesivumelwano sokusebenza insuku ezimbili kuphela. Bakhala njalo ngokungananzwa emsebenzi bethi isibhedlela asibanikenzi okokuzivikela ikakhulu khathesi okulengozi yomkhuhlane weCoronavirus.
Umsebenzi ume mpo ngesikhathi abongi betshengisela esibhedlela seMpilo, koBulawayo, lapho bekhala ngokungananzwa kanye lokubanjwa ngamandla ukuthi basebenze insuku ezedlula lezo abazivumelana lohulumende.
Unkosikazi Primrose Sibanda omunye wabongi wabatshengiseleyo uthi sebediniwe ngendlela abaphethwe ngayo ngabaqondisi besibhedlela seMpilo.
“Namuhla thina njengabo mongikazi beMpilo sithi sesidiniwe ngendlela abaphathi bethu abasiphethe ngayo. Khathesi kunje akula muntu ongakwaziyo ukuthi imali esiyiholayo ayenelisi and thina njengabomongikazi savumelana labaqatshwa bethu ukuthi sizasebenza atleast 2 days a week ukwenzela ukuthi lathi sithole isikhathi sokuphumula plus lemali esiyiholayo iyabe ingakwani ukuthi sibuye emsebenzini. Abaphathi beMpilo in particular abafuni ukuthi thina senze njalo bona ngokwabo basebenza amalanga amathathu thina bafuna singene ekuseni sitshayise ngo7 amalanga angu4 kunzima kithi khonokho.”
Umnunzana Nicholas Chidowore umgcinisihlalo wenhlanganiso yabongi eye Zimbabwe Nurses Association ko Bulawayo (iZINA) uthi abali kusebenza kodwa bafuna ukusebenza endaweni ehlanzekileyo.
“Thina esikukhulumayo yikuthi asiyali ukusebenza kodwa esikufunayo yikuthi abasi provide ngama resources azakwenza umsebenzi but singaba lomuntu oyedwa okuthiwa kumele abuye emsebenzini njengo nurse hayi kuwrong. Thina sithi economy leyi affect umuntu wonke but wena njengo administrator oconcerned kuphela unurse nguye yedwa ofuna ukuthi abuye emsebenzini imali uyayithola ngaphi izinto zokusebenzisa uyazithola ngaphi .Khathesi abantu bayathatha umkhuhlane ezibhedlela ungaphenduka lomkhuhlane wakho uyaphenduka futhi esibhedlela uyazibhadalela ukulatshwa ,khona kungaba lecretical problem khonapha eMpilo thina amanurse yithi esikhona 24/7 lapha esibhedlela.”
Umnunzana Eventhough Siziba unobhala jikelele weZINA uthi abaqondisi besibhedlela kumele bazisole ngabakwenzayo bengdlali ngempilo zabantu.
“Njengakhathesi besisiba lokucitshelwa amagetsi esibhedlela nxa amagetsi ecitshiwe kuyabe sekumele kusebenze igenarator but uyezwa kuthiwa akula disiel, but amafutha ezimota zabantu abathungamela isibhedlela lesi ayabe ekhona. Abanye bakhona balesibindi sokuthi abayasuka esibhedlela bekwazi ukuthi amapatients the whole day abadlanga njenge weekend besingela kudla kwama patients. Bayatshiya ama patients kungela magetsi kungela deasil but bona abashoti ukudla, thina lapha nxa sikhulumela amapatients sikhuluma ngamabasics isitshwala lebeans atleast but ibeans zakhona uyathola ukuthi azitholakali esibhedlela so yizo izinto ade sikhala ngazo ukuthi khangelanini isibhedlela lesi lina selikhanya engani selifuna ukusutha lina.”
Umnumzana Eventhough Siziba uthi impilo zabo zisengozini ngoba isibhedlela singakathathi amanyathelo okubavikela egcikwaneni leCorona virus.
“Khathesi sikhangelane legcikwane leCorona iCovid 19 but akula lutho olwenziwayo ukuthi uyatshwelwa kumbe imihlangano abantu sebekhangela abakubonayo kuma whasapp social media okwenzakala kwezinye indawo of which akukho safe ukuthi abantu bakusebenzise. I administration yethu ithe umphathi kakho ewofisini uye emhlanganweni eHarare bayekhuluma ngendaba zonezo ekuphendukeni kwakhe nextweek uyabuya selempendulo ukuthi senze njani ngendaba yonaleyi.”
Unkosikazi Siphiwe Ncube oyisakhamuzi koBulawayo uthi bebengakunanzeleli ukuthi abaphathi besibhedlela labo balesandla kwezinye izinto ezingahambi kuhle esibhedlela.
"Thina khona sinanzelela khathesi ukuthi besitshona sikhangelela onurse sisithi yibo abangenzi kuhle ezibhedlelaj but sesikubona lathi khathesi ukuthi hayi bona abayibo abaphethe isibhedlela kulamaphutha labo abawenzayo.Thina nxa sifika emawardin sithola izinto zingamanga kuhle abantu bengakhangelwanga sisuka sithi onurse yibo kanti labo kukhona abayabe bekufuna ukuthi kubancedise ukuthi labo bancedise izigulane zethu okuyabe kusilela okunye imbangela yibo abaphethe izimbedlela."
Osaphethe isikundla somqondisi eMpilo, umnumzana Thomas Nyikadzino walile ukukhuluma icele lesibhedlela ngesikhalazo langokutshengisela kwabongi lokhu. Amalunga enhlanganiso yabongi eye Zimbabwe Nurses Association, athi avumelene ukuba azaqhubeka esebenza amalanga amabili elinde umqondisi wesibhedlela ophenduka emsebenzini ngeviki ezayo ngoba okwamanje ekukhefu.
