Abezinkonzo Balwisa Ukungathembeki Elizweni

BULAWAYO —  Ikhomishini ekhangela ukuqedwa kobuqili lokungathembeki, iZimbabwe Anti-Corruption Commission ithi kumqoka ukuthi amakholwa aphatheke ekulwiseni lesi sifo ngoba inengi lezizalwane elizweni lizibiza amaKristu. Ithi nxa lesi sifo simemetheka elizweni eligcwele amaKristu, kutsho ukuthi yiwo amaKristu aphatheka kulobu buqili.

Amakhulu abantu abethe gwaqa ngolweSine koBulawayo embuthanweni we Anti-Corruption Day lomkhankaso we Churches Against Corruption, ukuxoxisana ngomsebenzi wamaSonto ukuqeda ubuqili elizweni.

Umbuthano lo uqale ngokutshengisela kwabakade bekuwo ezitaladeni, abantu besuka eCity Hall besiya ebandleni lenkonzo yeBrethren.

Kubika intathelizindaba yeStudio 7 uNothando Sibanda osipha loludaba ekoBulawayo.