Kulamalunga ebandla leZanu PF afuna ukuthi uMongameli Emmerson Mnangagwa aqhubekele phambili esembusweni ngomnyaka ka2028.
Kodwa abanye bathi akumelanga ayephumula ngoba wenza izimanga. Isisekelo sombuso welizwe sikubeka sobala ukuba umongameli kumele ahlele embusweni okweminyaka elitshumi kuphela njalo kungaguqulwa isisekelo sombuso welizwe angeke angene esikhundleni lesi.
Ukuze sihlaziye udaba lolu, sixoxe loMnu. Munashe Mututsa okubandla leZanu PF loMnu. Nhlanhla Moses Ncube unobhala jikelele wenhlanganiso yeFreedom Alliance.
UMututsa uthi amalunga ebandla elibusayo elelungelo lokucele uMnangagwa ukuba angasuki esikhundleni.
Uthi uMnangagwa uzaphendula isicelo sikazulu emhlanganweni omkhulu ozakwenziwa koBulawayo.
UNcube uthe kuyayangisa okwenziwa libandla leZanu PF ngoba uMnangagwa yena usefuna ukuphumula.
Uthi laye uMnangagwa kumele akhuze amalunga ebandla leli ngoba sekukhanya engani laye ufisa ukuhlala esikhundleni lesi aze afele khona.
Forum