Abesifazana bakoBulawayo Bathi IKhisimusi Ayisoze Ibenhle

BULAWAYO —  Ikhefu leKhisimusi selisondele, elikhangelelwe ngabanengi njengesikhathi sokuphumula lokukwejisa labangane lezihlobo kodwa abesifazana bakoBulawayo bathi hatshi lonyaka akusoze kubekhona ukuphumula ngenxa yokuswelakala kwamanzi, amandla kagetsi kanye lemali yokuthokozisa imuli.


Udubo lwamanzi koBulawayo luya luqhubeka ngenxa yokusilela kwezulu kanye lembambeko ezingapheliyo ekuletheni amanzi avela edamu lemtshabezi kulelidolobho.

IKhisimusi yalonyaka iza ngesikhathi izakhamizi zakoBulawayo zithola amanzi kabili kumbe kathathu ngeviki.

Kubika intathelizindaba yeStudio 7 uNothando Sibanda usipha loludaba.