Abesifazana abemaphandleni sebekhuthazwe ukuthi bangene ezikhundleni zombusazwe ngokuncintisa kukhetho oluzayo ngomnyaka ka2023 ukuze baphume lezinqumo ezizabathuthukisayo.
Lokhu kuvezwe kunanzwa ilanga lemisebenzi yabesifazana bemaphandleni eSitezi eGwanda North ngoLwesine embuthanweni obuqoqwe yinhlanganiso yeWomen Development Association of Zimbabwe.
Bavumelene ukuthi kumele bekhuze uvalo bancintisane labesilisa kuzikhundla eziphezulu ukuze labo bathole ithuba lokubumba imithetho ezadala intuthuko yabo.
Ngokunjalo, uNkosikazi Sazini Dube oyisakhamuzi seSitezi eGwanda North uthi abesifazana kümele basukumele phezulu.
Amazwi akhe asekelwe nguNkosikazi Noma Nkiwane owake wabangukhansila kuWard 8 eSitezi.
UNkosikazi Agnes Mbangeni uthi abesifazana kumele bakhuze uvalo bemelane labesilisa ekulungiseni ilizwe.
UNkosikazi Juliet Nkiwane umkhokheli weboard yenhlanganiso elwela amalungelo abesifazana eyeWomen Development Association of Zimbabwe iWODAZ uthi abesifazana bayinsika yesizwe kungakho kumele bathole amathuba okuphuma lezinqumo ngendaba eziphathelane labo.
UNkosikazi Janet Dube uthi njengabomama bemaphandleni babhekane lendubo ezimbalwa ezigoqela ukudlwengulwa, kungakho bafuna abadala amacala-la badilikelwe lijele.
Abesifazana abaphatheke kulumhlangano bakhuthazwe ukuthi bengesabi ukubikela amapholisa lapho bethe bahlukuluzwa. Baphinde baxwayiswa ukuthi benakekele abantwababo njalo benganyathezeli indaba zokudlwengulwa kwabantwababo yizihlobo.
