UMeli Ndlovu odume kakhulu ngokutshova intshelelzani usefikile koBulawayo esuka eJohannesburg kwele South Africa ehamba lomunye wakhe uRoland Dube.
Lonyaka uMmeli Ndlovu uthi utshove ibhasikili esuka eGoli ekhankasela ukuthi intsha ingathathi izidakamizwa ngoba zibhidliza ikusasa yazo. Ababili laba bamukelwe ngabantu abanengi koBulawayo ngesikhathi befika edolobheni leli. Loba besebebe madolo nzima, uNdlovu uthi bafisa ukuba abantu bengathathi izidakamizwa.
UDube otshove loNdlovu besiya koBulawayo laye uthi benze umsebenzi omkhulu.
Bahlangabezwe ngabantu abanengi abagoqela ubabomncane kaMeli Ndlovu, uMnu Sipho Nyathi.
Omunye njalo obablangabezileyo nguNkosikazi Patsencia Vundla oncedise ngokupha ukudla uMeli.
Umsekelei wesikhulumeli samapholisa koBulawayo UAssistant Inspector Nomalanga Msebele uthi uNdlovu labanye bakhe benze umsebenzi omkhulu njalo baxwayisa intsha ukuthi ingathathi izidakamizwa
Lolu luhambo lwesibili luka Ndlovu owake watshova intshelelezani esuka kwele Zimbabwe.
Forum