WASHINGTON DC —
Uzulu weHarare usele ebambe owangaphansi ngoLwesithathu kulandela ukubotshwa kwabesifazana ababili abacatshangelwa ukuthi ngabathakathi abatholakale elokitshini leBudiriro ekuseni bebhunyumunyu.
Ababili laba, uChipo Chakaja (26) loMaria Moyo (35) batholakale phambi kwendlu yomunye umprofethi belesikhova esiphilayo, amangqongqo llokunye obekungakhanyi ukuthi yizinto bani.
Umprofethi lo, uMnu Chris Tongai, uthi uNkosikazi Chakaja loNkosikazi Moyo bakhulelwe ngamandla akhe bephapha ngokhomane basebesiwa. Omunye lomunye ubelokhomane lwakhe.
Abakholwa entweni zobuthakathi bathi ukhomane lusetshenziswa ngabaloyayo abaphapha ngalo ebusuku ukuze bafinyelele indawo ezikude lapho abayabe besiyaloya khona.
Uzulu weBudiriro uthe ngokukhanda ababili laba wabiza amapholisa ababopha ahle abahambisa emthethwandaba lapho umantshi afike wathi kumele bayehlolwa ngodokotela benqondo kuqala baphenduke phambi kwenkundla mhlaka 26.
Ukuloya kulicala elibophisayo phansi kwemithetho yelizwe. Kodwa okusuke kubenzima yikuthi umthethwandaba uthole ubufakazi obaneleyo bokuthi ngempela umuntu ungumthakathi.
Ukubotshwa kwababili laba ludaba olusemilonyeni yabanengi abazibuza imbuzo etshiyeneyo ngodaba lobuthakathi kanye lesiChristu.
Ukuhlaziya udaba lolu sixhume inyanga, uMnu David Mhabinyana Ngwenya lomfundisi uMnu Raymond Motsi.
Ababili laba bathi ubuthakathi yimimoya emibi njalo esikhathini esinengi umuntu oloyayo uyabe esetshenziswa engakwazi.
Ababili laba, uChipo Chakaja (26) loMaria Moyo (35) batholakale phambi kwendlu yomunye umprofethi belesikhova esiphilayo, amangqongqo llokunye obekungakhanyi ukuthi yizinto bani.
Umprofethi lo, uMnu Chris Tongai, uthi uNkosikazi Chakaja loNkosikazi Moyo bakhulelwe ngamandla akhe bephapha ngokhomane basebesiwa. Omunye lomunye ubelokhomane lwakhe.
Abakholwa entweni zobuthakathi bathi ukhomane lusetshenziswa ngabaloyayo abaphapha ngalo ebusuku ukuze bafinyelele indawo ezikude lapho abayabe besiyaloya khona.
Uzulu weBudiriro uthe ngokukhanda ababili laba wabiza amapholisa ababopha ahle abahambisa emthethwandaba lapho umantshi afike wathi kumele bayehlolwa ngodokotela benqondo kuqala baphenduke phambi kwenkundla mhlaka 26.
Ukuloya kulicala elibophisayo phansi kwemithetho yelizwe. Kodwa okusuke kubenzima yikuthi umthethwandaba uthole ubufakazi obaneleyo bokuthi ngempela umuntu ungumthakathi.
Ukubotshwa kwababili laba ludaba olusemilonyeni yabanengi abazibuza imbuzo etshiyeneyo ngodaba lobuthakathi kanye lesiChristu.
Ukuhlaziya udaba lolu sixhume inyanga, uMnu David Mhabinyana Ngwenya lomfundisi uMnu Raymond Motsi.
Ababili laba bathi ubuthakathi yimimoya emibi njalo esikhathini esinengi umuntu oloyayo uyabe esetshenziswa engakwazi.
