Amalungiselelo ombukiso wezamabhizimusi owe Zimbabwe International Trade Fair wona okhangelelwe ukuqhutshwa ngeviki ezayo kusukela ngoLwesibili kusiya ngoLwesihlanu, abikwa asesemaphethelweni njalo umongameli Emmerson Mnangagwa ukhangelelwe ukuwuvula ngokusemthethweni.
Isiphathamandla seZITF uMnu. Busisa Moyo utshele intathelizindaba ukuthi amazwe asegcizelele ukuthi azabukisa kulumbuthano abalisa ele Botswana, Democratic Repulic of Congo, Indonesia, Kenya, Malawi, Maurtious, Nambibia, Nigeria, South Africa, leTanzania.
Uthe umbuthano lo uzaqhutshwa kulandelwa iziqondiso zokwenqabela umkhuhlane weCOVID 19 njalo abantwana abeleminyaka engaphansi kwetshumi lasitshiyagalombili-18 abavunyelwa.
Ukuhlaziya loludaba, sixoxa loMnu. Thembelani Dube, isiphathamandla senhlanganiso yeBulawayo Progressive Residents Association, esiqale ngokumbuza ukuthi abahlali bakoBulawayo bawamukela njani lumbukiso.
