Inhlanganiso yeGlobal Fund isiphe eleZimbabwe izigidi phose ezingamakhulu amabili, iUS$180 million, eyokulwisana lomkhuhlane wengculaza, owofuba, kanye lowo qhuqho.
Uhulumende weZimbabwe, ubikwa emukele limali eGeneva kwele Switzerland ekuqaleni kwayonale inyanga, njalo ikhangelelwe ukusetshenziswa ekuqaleni komnyaka ozayo kusiya ekupheleni kwawo.
Ekhuluma le Studio 7 ngolweSine, umphathintambo wezempilakahle, uMnu Henry Madzorera uthe kuyajabulisa ukuthola limali, ngoba izavuselela ugatsha lwezempilakahle, lona oluzicubelayo.
Kusenjalo, umgcinisihlalo wenhlanganiso yeZimbabwe National Network for People Living with HIV/AIDS, uMnu Sikhumbuzo Mvinjelwa utshe;e uSithandekile mhlanga ukuthi inhlanganiso yakhe ikhangelele ukuthola ingxenye yemali le okokuqala kuhulumende, ukuthi isetshenziswe ngamalunga ayo.