Abasakhulayo eZimbabwe abaphila legciwane leHIV bathi bayathokoza ngoncedo abaluthola kunhlanganiso ezizimeleyo, zincedisana lohulumende. Bathi zinengi inhlupho ababhekana lazo, ikakhulu ukukhathazeka engqondweni ngenxa yokuba legciwane leHIV.
UNontokozo Msimanga oleminyaka yokuzalwa engamatshumi amabili lantathu, odabuka esigabeni seInyathi eBubi,eMatabeleland North, ngomunye wabaphila legciwane leHIV, njalo onceda abanye abesifazane abasakhulayo abalegciwane leli.
“Mina ngaba kwazi ukuthi ngile gcikwane leHIV ekilinika lapho engangibhalisa khona isisu sami.Kwangidla inhliziyo lengqondo sibili, ngazengacabanga ukuzibulala. Ngangizibuza ukuthipho indoda yami ngizayazisa njani isimo samilesi,kanye labazali lezihlobo, kuthi umphakathike, uzakuthini?Loba ngizihambela nje, ngangibona ingathi abantu bonke bayangibonaukuthi ngiphila legcikwane leHIV.Lapho esasihlangana khona njengemuli, ngangitshiyaamapilisi ami ngekhaya, ukuze abantu bengabuziukuthi ngamaphilisi ani engiwanathayo. Ngangibona njengani impilo yami isifikeemaphethweni.”
Uthi wathola uncedo kunhlanganiso yeZvandiri esebenza labezempilakahle ekuncedeni abatsha abalegciwane leHIV phansi kohlelo lweCommunity Adolescents Treatment Supporters lolweYoung Mentor Mothers Program.
“Lapho ngisiya esibhedlela, banginceda sibilingoba baqala ngokungazisa ukuthi ukuba leHIVayisikho sijeziso sokufa. Uncedo olukhulungaluthola kwabanye abasahulayo abalegcikwaneleli, ababesebenza endaweni leyi, njalo bephilaleHIV, okwakuthiwa ngamaCATS kanye lamaYMM. Ukuthola uncedo lolwazi emuntwiniolingana lawe, kunceda kakhulu ngoba lawekukunika isibindi sokuthi lami ngilakho ukuphilaimpilo emnandi sibili. Ngangisiya emhlanganweniyabasakhulayo abafana lami- okunyeokwangiqinisayo. Khathesi lami sengincedaomama abasakhulayo abaphila legcikwane leHIVesigabeni sami.”
UMnu. Shepered Munyoro oncedisa abasakhulayo abaphila legciwane leHIV ekunhlanganiso eyeZvandiri, uthi ukunika imithi akweneli ekuphathiseni abasakhulayo abaphila leHIV.
“Thina njengenhlanganiso sithi yebo imithiiqakathekile kakhulu, kodwa ilakhoukungasebenzi kangako uma abasakhulayo lababengatholanga imfundiso losizo okumqothomayelana lempilakahle yabo engqondweni. Ukungahlaliseki kulakho ukuthi behlulekeukuthatha imithi yabo ngemfanelo. Yikho thinanjengenhlanganiso sile nhelo eziphathisa ontangalaba ezithi, olweCommunity Adolescents Treatment Supporters (CATS), lolweYoung Mentor Mothers Program (YMM). Olwakuqala luphathisaukuthi ontanga abaphila legcikwane leHIV, babe yibo abanceda abanye ontanga abalegcikwanelinye. Uhlelo lwesibili ngolwabomamaabasakhulayo abaleHIV njalo, abanceda abanyeomama abalegcekwane leli. Inhloso yethu yikuthisibe labasakhulayo abaleHIV, abanceda abanyebabo, ngendlela yokubatshengisa ukuthi lobaulegcikwane leli, ulakho ukuphila impilo enhle, ehlelekileyo.”
Uphenyo olwenziwa yinhlanganiso yomanyano wamazwe omhlaba esebenza labantwana, eyeUNICEF ngomyaka ka2022, lwaveza ukuthi ebantwini abayisigidi lenkulungwane ezingamakhulu amathathu, ababephila legciwane leHIV ngomnyaka lo, abafika isilinganiso esedlula itshumi lanye ekhulwini - 11.2% babengabasakhulayo.
Okhokhela uhlangothi olubona ngomkhuhlane weAIDS, eyeNational Aids Council, uDokotela Bernard Madzima, uthi eleZimbabwe liyathembisa ukuthi lizavimba ngendlela eziphezulu ukumemetheka kwegciwane leHIV.
“Sikhangelane lenhloso yokuqeda ukumemethekakweHIV ngomnyaka ka2030; kuthi ukuthi bonkeabaphila legcikwane leli babe bethatha imithiyabo, kanye lokuthi amasotsha emizimba yaboabe emanengi, ngibona sinqoba khonapho. Ngitsho njalo ngoba sikhuluma nje, sesikubangaeledlula isilinganiso esingamatshumiayisitshiyagalomunye ekhulwini (90%), ukuzesinqobe. Sizaphumelela lapho sizobaba u2030.”
Ingcwethi ecubungula indaba zegciwane leHIV, njalo eyintathelizindaba ephila legciwane leli, uCatherine Murombedzi, uthi kuqakathekile ukuthi labo abasakhulayo abaphila leHIV, abanceda abanye babo, bethole usekelo.
“Ngesinye isikhathi sizakuthi abasakhulayo labakonke kubalingene, kodwa bedleka okwamagamangaphakathi. Yebo bayasiza abanye, kodwa labobafuna ukunakekelwa, ikakhulu engqondweni. Yikho simangala sisizwa ukuthi umuntu omunjeutshonile, kodwa yena enceda abanye. Okunyenjalo yikuthi abasakhulayo abaphila leHIVbakuthola kube nzima ukuthathandana lokungenaemendweni, ngenxa yesimo sabo ngegcikwaneleli. Leyi indaba ifuna ukuhlaziywa ngoba akumelanga kube lobandlululo phezu komuntu ophila legciwane leHIV lalowo ongelalo.”
Loba ulwazi mayelana legciwane leHIV solumemethekile okwamagama kulezinsuku, inhlanganiso ezisebenza labasakhulayo zithi uhambo lusasekhona ukuze izigaba zamukele abaphila leHIV.
Inhlanganiso eyeUnited Nations Population Fund,ithi eleZimbabwe ngelinye lamazwe azama ukuqeda ukumemetheka kwegciwane leHIV.
Forum