Abakubandla elibusayo eZimbabwe bamangaliswa yilabo abathi sebeyehlulekile ukubusa njengabanye babo abakuzwekazi leAfrica ngakho-ke kumele bephume bephele embusweni.
Bakhuluma lokhu ngesikhathu kusanda kususwa uhulumende webandla ebelikhokhelwa nguMnu. Mokgweetsi Masisi kweleBotswana njalo lokuxokozela okwenzakala kweleMozambique kulandela ukhetho lukamongameli okunqobe ibandla leFrelimo.
Kodwa abaphikisayo bathi amabandla afana leleZanu PF, Frelimo yakweleMozambique, African National Congress (South Africa), Swapo (Namibia) kawakwazi ukubusa .
Bathi isikhathi sabo sesitshayile njengoba behluleke ukubusa okweminyaka eminengi selokhu basusa abamhlophe ezikhundleni.
Ukuhlaziya udaba lolu, sixoxe loMnu. Joseph Tshuma okubandla leZanu PF othi kuyamangalisa okukhulunywa ngabanye abantu eZimbabwe abathi ibandla elibusayo kalenzi kahle.
Sixoxe njalo loMnu. Nhlanhla Moses Ncube unobhala jikelele wenhlanganiso yeFreedom Alliance othi amabandla wonke alwa impi zenkululeko emazweni atshiyeneyo emhlubulweni wezansi yezwekazi leAfrica.
Forum