Abaphikisayo labalwela ilungelo loluntu bathi elezimbabwe seligcwalise amasotsha lamapholisa kwezinye indawo eHarare, eChitungwiza lamanye amadolobho ngesikhathi kulungiselelwa umhlangano weSouthern African Development Community (SADC) Summit.
Kasenelisanga ukukhuluma ngodaba lolu lesikhulumeli sebutho kanye lesamapholisa ngoba bebengaphenduli omakhalekhukhwini babo.
Kodwa abaphikisayo labalwela ilungelo loluntu bathi kuyethusa okwenzakala elizweni osokubotshwe abantu abedlula ikhulu okuthiwa baqoqa ukutshengisela elizweni lonke ngosuku lomhlangano we-SADC Summit.
Kusenzakala konke lokhu, inhlanganiso ye-European Union ngoLwesine iqoqe umhlangano wenhlanganiso ezizimeleyo eHarare owokuhlolisisa ukuxokozela okuselizweni.
Inhlanganiso yeCrisis in Zimbabwe C oalition iyalile ukuya emhlanganweni lo isithi inkokheli yayo idingwa ngamehlo abomvu nguhulumende othi batshotshozela udlakela. Abaqondisi benhlanganiso le bayakuphika lokhu.
Ukuze sihlaziye udaba lolu, sixoxe loMnu. Effie Dlela Ncube, ocubungula ezombusazwe ekuhlanganiso yeNational Consumer Rights Association.
Forum