Inengi labantwana libikwa lixotshwa ezikolo elizweni jikelele ngenxa yokwehluleka ukubhadala imali yama School Fees leye Levy, lanxa uhulumende esithi abantwana bengaxotshelwa ukwehluleka ukubhadala imali yama School Fees.
Izikolo zithi lokhu zikwenzela ukuthi zithole ukuhlawulwa izikwelede ezisebantwaneni, zona ezifika kuzigidi lezigidi zamadola, ukwenzela ukuthi zithuthukise imfundo yazo.
Ngakwelinye icele, abazali bakhonona ngokuthi imali yama Levy inengi kakhulu ngoba enye iya ekubhadaleni ababalisi. Imbadalo yezikolo ezisemalokitshini ngamadola alitshumi eMelika, kodwa i levy yedlula amadola angamatshumi amane, ngethemu eyodwa.
USithandekile Mhlanga we Studio 7 uxoxe lomzali, uMnu. Ambrose Sibindi, ongumgcinisihlalo we Cyrene School Development Community, ukuze sizwe ukuthi imali yama levy bayivumelana njani.
