Abantu babambe owangaphansi kulandela ukungena kwamasela endlini kaMongameli Emmerson Mnangagwa eHellensville eHarare, lemzini wendodana yakhe uDavid Mnangagwa kanye lomzukulu wakhe, uTongai Mnangagwa, abayiziphathamandla zenhlangothi zikahulumende.
Abezindaba abeZim Live babika ukuba amapholisa azama ukudubula amasela la emzini kaMnangagwa ayezama ukutshontsha. Kasenelisanga ukukhuluma ngodaba lolu loMnu. George Charamba, isikhulumeli sika Mnangagwa obengaphenduli umakhalekhukhwini.
Amasela asanda kungena endlini kaDavid leka Tongai lapho okuthiwa ayezama ukutshontsha. Atshiya inhlamvu zombhobho lokunye emzini kaDavid Mnangagwa, okwaba lomilo owatshisa impahla yakhe. Akwaziwa ukuba la ngamasela kumbe kukhona okwenzakala kumdeni kaMnangagwa, olamabhizimusi amanengi.
Ezinye ingcwethi kwezombusazwe zicabangela ukuba lokhu kwenziwa ngabantu abakhangelele ukuthi uMnangagwa ulakho ukufaka esikhundleni sikamongameli indodana yakhe kumbe umzukulu engasuka embusweni. Kodwa abakubandla leZanu PF bayakuthandabuza lokhu.
UMnu. Believe Gaule ilunga lebandla leli uthi kulezigangi ezizama ukugila imikhuba kumdeni kaMnangagwa okumele zibotshwe.
UMnu. Fortune Mlalazi, ingcwethi kwezombusazwe ezimeleyo, uthi kuyamangalisa ukuba abantu laba okuthiwa ngamasela bagqekeza emzini weziphathamandla zikahulumende ezigcinwa ngamasotsha lamapholisa.
Forum