Uzulu ukhala okumangalisayo ngokukhuphuka kwentengo yempahla lembadalo yezimota ezithwala abantu eZimbabwe.
Osomabhizimusi labo bayakhala okumangalisayo ngokwenzakala elizweni.
UMnu. Lovemore Chamasi, olungisa omakhalekhukhwini, uthi abantu sebethenga ngama bond notes ngesikhaphekhaphe ukwenzela ukulahla uhlobo lwemali le engathakazelelwa ngabantu abanengi.
Uthi usezakuma ukwamukela ama bond notes ngoba asegugudeke isisindo okumangalisayo nxa eqathaniswa ledola leMelika.
Kusenjalo, abatshayeli bezimota eVictoria Falls abathwala izethekeli ezivela kwamanye amazwe bezibukisa indawo ezitshiyeneyo kulelidolobho bathi ukusilela kwamafutha sokumise umsebenzi wabo njalo kukhathaza lezethekeli.
Ukhansila ka ward six eChinotimba eVictoria Falls, uMnu. Ephias Mambume, uthi indwendwe zamafutha ephethulo azibonakali kakhulu kulelidolobho ngoba avele awakho.
