Abantu abanengi emadolobheni bathi sebesidla kanye ngelanga ngenxa yokuswelakala kokudla.
Kukondoda zibonele ebantwini kulez’insuku. Indlala ingenile ebantwini. UNkosazana Senzile Moyo ongelandoda olabantwana ababili, ubhodabhoda edolobheni ezama ukuselela abantwabakhe ukudla.
“Siyadla ekuseni njoba abantwana bayabephuma nje sidle khonalokhu okokuphuma. Ngizaze ngiyekudla futhi ntambama. Ngizathola abantwana belindile ukuthi ngibuye lani edolobheni. Nxa ngingazuzanga lutho kutsho ukuthi siyalala nje sivuke ekuseni kanjalo nje.”
UMnu. James Dube uphila nzima lodadewabo olegciwane leHIV.
“Ama meals basically yikudla ekuseni, udle ntambama because ngoba imali ayikho. Uyabe usukhetho futhi ngenxa yokuswela imali. Yonaleyon breakfast kudibane le-lunch ubususidla ntambama.”
Omunye othwele nzima nguMnu Reason Mpofu ongelamsebenzi omlethela imali.
“Khonapha ngilele ngingadlanga lokhe ngingakadli from ekuseni. Khonapha ukuthi siyalala sidleni asikwazi ngihlala lomnawami oyinkazana, sihlala kuone room.
Abasakhulayo abanengi bathi baphila nzima ngenxa yokuswelakala kwemisebenzi. UNkosazana Grace Nyoni waphutsha izifundo zakhe ekolitshini leNational University of Science & Technology.
“Bengise NUST khathesi esikolo kodwa sengili drop out ngenxa yokuthi izinto ziyadula, ischool fees siyadula. Okokuqala abazali bami abasenelisi ukuthi basibhadale and lokudla endlini akusela kudla so lami ncine mbona ukuthi ngcono ngizame amanye ama means ukuthi ngiphile so sengisemgwaqweni lami sengizama ukudinga imali. Izinto zikhwelile.”
Kukanti uRumbi Zulu sekhathele ngokuhlupheka ngakho-ke uthi sethengisa umzimba ukwenzela ukuziphilisa.
“Ah, mina ngafunda ngaqeda kodwa ngokuwoma kwezinto elizweni sesisebenza nje emgwaqweni ukuthi sikwanise uku manager ukudla ngoba kuwomile. Besisidla kanye ngelanga ekuseni khathesi sesikwanisa ukuthi sidle lemini lantambama. Senza khonokho okokuthi sikhetshise ama short time sometimes ama night okusiphilisayo nje, roughly kuyangiphilisa nje since ngaqalayo khathesi hayi sengi manaja ukuthi lami indlu yami kukhanye ukuthi kwenzakalani.
UMnu. Desmond Ntini inkokheli yesigaba seLobengula uthi abantu bayadubeka.
“Abantu bathwele nzima kakhulu and indlala ibhahile. Okokuthola abantu ngempilo yabo ayi bayaswela sibili and drought leyi ukuba khona kwayo kunika abantu izinkinga ezinengi kakhulu kulambisa abantu, abantu abanengi njengoba unanzelela ukubana leyindawo abanengi abasebenzi sihlangana labantwana abayibo abakhangela imizi, abantu abadala abagogekileyo.”
Ingcwethu kwezomnotho ezimeleyo uMnu. Lubani Nondo uthi umlandu wokuvikela indlala ukuhulumende.
“Indlala emadolobheni or ngithi by extension lemaphandleni kubuhlungu kakhulu kodwa okulusizi kulakho konke yikuthi uhulumende sowapenda umpikitsha wokuthi kumele sizwisise ukuthi vele kumele abantu belambe ngoba bekungela zulu ngomnyaka odlulileyo. Ngakho-ke kumele silambe as long as siqhubeka singasebenzi siqhubeka indlala isitshaya uhulumende kumele akulungise lokho.”
UMongameli Emmerson Mnangagwa uthi akulamuntu ozabulawa yindlala eZimbabwe njalo uhulumende uzama ngamandla wonke ukuba adingele uzulu ukudla.
Uhulumende wakhe uthi kulabantu abafika phose izigidi ezilitshumi abalambayo elizweni, abagoqela abahlala emadolobheni.
Kudingwa imali efika amabhiliyoni amabili eZimbabwe ukuze uzulu adingelwe ukudla. Kulendlala eyesabekayo eZimbabwe lamanye amazwe edalwe yisikhudumezi somkhathi ese-El Nino, esenza izulu lingani ngemfanelo nyakenye. Abalimi abanengi abavunanga lolutho ngenxa yesomiso esikhulu.
Forum