Abenhlanganiso ebona ngosizo lokudla emazweni womhlaba, eyeFood and Agriculture Organization (FAO), isanda kwazisa ukuthi abantu abangaba yizigidi ezintathu lengxenye, 3.5 million, badinga usizo lokudla kwele Zimbabwe.
Lokhu kuza ngemva kokukhuphuka kwentengo yokudla kanye lokungani kuhle kwezulu.
Ingcwethi yezomnotho yaseMelika uMnu. Steve Hanke uthi eleZimbabwe liqhubekela phambili likhokhela amanye amazwe alesilinganiso esiphezulu sokonakala kwesimo somnotho, i-inflation, ebangelwa yikukhuphuka kwentengo yempahla.
Isilinganiso se-inflation eZimbabwe sibikwa sifika phose inkulungwane lengxenye ekhulwini-1,367%.
IZimbabwe ilandelwa yi-Argentina yona ekusilinganiso samakhulu phose amabili ekhulwini-197%.
Induna uMbiko Masuku oweMatshetsheni eGwanda North utshele iStudio7 ukuthi umumo awumanga kuhle elizweni njengoba izilimo sezomile njalo izifuyo zingela manzi.
Forum