UMongameli Robert Mugabe uthi abalimi ababelwa amapulazi phansi kohlelo lokuhlaliswa kutsha kwabantu sebezaphiwa ingwalo ezitshengisa ukuba sebengabanini bamapulazi la.
UMugabe utsho lokhu izolo emkhosini owenzelwe eMakonde esigabeni se Mashonaland West. Incwadi lezi zihlose ukuphathisa abanini bamapulazi ama A1 ukuthi benelise ukuwasebenzisa njengesibambiso lapho bedinga imali emabhanga.
UMugabe uthe amaphepha la azasetshenziswa ndawonye labawaphiwa ngomnyaka ka 2006 athiwa ngama 99 year lease.
Abanini bamapulazi la bebesehluleka ukuthola izikwelede emabhanga bewasebenzisa ngoba bengelancwadi asebezaziphiwa. UMugabe wengezelele esithi akusela mlimi omhlophe ozavunyelwa ukuba lepulazi eZimbabwe.
Ukuhlaziya loludaba sixoxe lowalwa impi yenkululeko, uMnu. Max Mkandla endawonye lengcwethi kwezokulima, uMnu. Mandla Nkomo onguye osungula loludaba.
