Abamankampani aphiwe imvumo yokwemba amadaimani eZimbabwe awe Mbada Resources le Canadile Mining bacine bemiswa phambi kwe khomidi yedale le phalamende ebona ngezemigodi ngolweSibili.
Lokhu kwenzakale ngemva kokuba abakhokheli bamankampani la benikezwe amasamanisi yikhomidi yephalamende le kulandela imizamo yabo yokufuna ukukhekheleza ukuma phambi kwedale lephalamende.
Kunjalo nje ingcwethi kwezemithetho zithi ukuvuma kwabamankampani eMbada leCanadile ukuma phambi kwekomidi yedale lephalamende ebona ngezokwenjiwa kungabe kukhomba ukuthi udaba lokwenjiwa kwama dayimani ako Chiadzwa soluzalungisiswa.
Ukumiswa kukaMnumzana Robert Mhlanga owenkampani yeMbada loMnumzana Adrian Taylor owe Canadile phambi kwekomidi yephalamende namhla kulandela imibiko eyethulwe ngumphathintambo wezemigodi uMnumzana Obert Mpofu kunsukwana ezedluleyo eyokuthi ukukhethwa kwamankampani la akuhlelwanga ngendlela eqondileyo.
Ukuhlaziya loludaba uBrenda Moyo oweStudio 7 uxhume igqwetha elibona ngokulondolozwa kwelungelo loluntu uNkosazana Anna Moyo.
