Abalwela amalungelo oluntu sebesole ukulunyiswa kwezifundi zesikolweni eSt. Faith’s High School eRusape eManicaland ngezinja okwenziwe ngamapholisa ngesikhathi zitshengisela zikhonona ngokukhwezwa kwenhlaulo zesikolo.
Omunye wabantwana laba ubikwa elimele kakhulu enyaweni. Amapholisa athi asaphenya loludaba.
Inhlanganiso ezilwela amalungelo oluntu, ezigoqela i-Amnesty International Zimbabwe, Amalgamated Rural Teachers Union in Zimbabwe lenhlanganiso emela izifundi eyeZimbabwe National Students Union lazo zikhuphe imibiko zisola okwenziwe ngamapholisa lokhu.
Ekhuluma leStudio7 umqondisi wenhlanganiso yeAmnesty International Zimbabwe uNkosikazi Lucia Masuka uthi ukutshengisela kulilungelo elisemthethweni njalo uhulumende kumele ahlolisise loludaba ukuze abazatholakala belecala bejeziswe.
Omunye wabakhokheli benhlanganiso emela amalungelo ababalisi eye-Amalgamated Rural Teachers Association of Zimbabwe uMnu. Munyaradzi Masiiwa uthi okwenziwe ngamapholisa kwephula amalungelo ezifundi njalo kumele kulungisiswe.
Forum