Abalobi bebethe gwaqa edolobheni le Harare okwamalanga amabili behluza okumayelana lomsebenzi wabo embukisweni wamabhuku owe Zimbabwe International Book Fair.
Umlobi wako Bulawayo umnumzana Naison Twala odume ngamabhuku ambalwa awalobayo agoqela elithi ‘Akuqaqalazi ezwa ukunuka’ lelithi ‘Umfukula wenhlathu” lamanye awesingisi, uthi babhekana lobunzima ngoba bengasayitholi kakuhle inzunzo kulumsebenzi.
“Njengabalobi umsebenzi wethu muhle kakhulu kodwa okwamanje uyacatsha sibili umsebenzi wethu.Abanye abantu yibo asebekholisa okuphuma kumsebenzi wethu okwedlula thina abanini bawo.Bayathatha umsebenzi wakho bayokudla ngawo.Kuyasibulala njenga balobi”
Uqhubeka uTwala ethi ukutshontshwa komsebenzi wabo ngepiracy kuqhubeka kuludubo abalokhu belwisana lalo.
“Kuzakwenzakala.Enxenye I direction esiithathayo isiqondisa kuzikhathi ezincono ngoba kuthiwa ungabona kulobusuku kumnyama kakhulu kuzakusa .Kungenyukeka kakhulu kuzakwehla yilo ithemba engilalo elokuthi lokhu kuzenzakala”
“ Umnumzana Nkemngong Nkengasong obhala amabhuku ekwele Cameroon efundisa ekolitshini elikhulu le University of Yaonde uthi udubo lwe piracy lubhahile laselizweni lakhe ikakhulu endaweni ezikhulunywa isingisi ethi sokudingakala ukuba abalobi besebenzisane labadinda amabhuku ukuze baqede loludaba ngoba imithetho ingalandelwa.
Umnumzana Mihla Sitsha oloba eko Bulawayo uthi njengabalobi balobela ukuthi abantu babale amabhuku abo hatshi ukuthi bewabale bona.
“Uhlupho esilalo kakhulu yikuthi abantu abesenelisi ukuthenga ingwalo .Umuntu sesithi angathola imali into aicabangayo yikuyathenga impuphu. Ugwalo sokunzima ukuthi aluthenge lanxa uzama ukuthi uludindise kunzima umumo womnotho welizwe uyenza ukuthi kube nzima ukuthi abantu bathenge ingwalo”
USitsha ulengwalo ezedlula amatshumi amabili edume ngogwalo oluthi ‘Wangenza mtanami’, ‘Imisebe yelanga’ loluthi ‘Izulu ayisilo gula’. Nguye njalo unobhala jikelele we Zimbabwe Academic and Non-Fiction Authors ZANA. Udubo lokumiswa kokusetshenziswa kwemali yakwamanye amazwe uthi kuyaphazamisa umsebenzi wabo.
“Kwenze ukuthi imali leyana eyaphandle abantu abakade beisebenzisa ngokuguquka komnotho kwenza ukuthi izinto zikhwele and lokhe ziqubeka zikhwela ngoba ezananzelela ukuthi abantu abadinda ingwalo izinto lezana abazisebenzisayo ikakhulu bazithenga ngaphandle kwelizwe so sebe qamba imali ye zim dola layo eyabe isiphezulu kakhulu okokuthi abantu bayabe bengasaiyenelisi.”
Lumhlangano oqale ngoMvulo uphela ngoLwesibili, ungenwe ngabalobi, izikwizamfundo lengcitshi kulumsebenzi abavela emazweni atshiyeneyo agoqela I Zambia , South Africa ,Zimbabwe, Tanzania, Cameroon lamanye.
