Abalimi besifazana abemaphandleni sebesungule inhlelo zokusebenzela ndawonye bebuthelela lokulima ukudla kwendulo, okwakha lokuqinisa umzimba ukuze kuthuthukiswe impilakahle yabantu emangweni lapho abahleli khona.
Omama abavele eBinga bamanyane besebenza ndawonye ngaphansi kwenhlanganiso yeZubo Trust, ngenhloso yokusebenzisa ilifa lendulo elitholakala kulindawo.
Unkosikazi Angeline Mudenda uthi balungisa isepa ye sihlahla se Jatrofa lesihlahla se busika.
“Isihlahla lesi esithiwa yi tamarind kumbe ubusika ngesi Tonga yisihlahla esenja I porridge kumbe siyenze I jam kumbe siyenze I juice esingainatha nsuku zonke ile vitamin c enengi njengabo mama abe Binga yikho esikwenzayo ukwenzela ukuthi sinakekele izimhuli zethu, akula lutho esilwengezelelayo siyaphongu ku kha izihlahla nje okunye sikulima ngoba kuhle nje ukudla ukudla kwesintu.”
Unkosikazi Hleziphi Nkomo waseMatopo uthi bona basebenza bengamalunga phose alikhulu lengxenye-144, befundisana ngokuqakatheka kokulima lokulungisa ukudla ezilimeni lezithelo zendulo ukuze bathole imali yokuzithuthukisa.
“Izifundo bazithola e centre izakhamuzi ezinga ma farmers besisiya emakhaya silandelela ukubona ukuthi umuntu into afunde ngayo uyaiyenza yini emzini wakhe silalabo abe small grains labe bailing.I bailing siyenza ngemahlanga adliwa zinkomo zethu lamahkamvu so I bail lethu lelana silithengisela e South Africa I 75By 75 siyenza 100 rand.Konke esikwenzayo yi organic farming sisebenzisa imquba etshiyeneyo eyezifuyo le compost yama worms.Ku pest control sisebenzisa izihlahla zesintu ezingalethi ukugula emzimbeni izihaqa lesingayi lesana esiphuma ezindlini.”
Unkosikazi Gaudencia Kujeke oquba izifundo ze Doctor of Philosophy ekolitshini le University ye Zimbabwe ecubungula izilimo ezigoqela i-tsenza lamadumbe uthi abantu bakhanya bekhangelela phansi ukudla kwendulo khona kuphathisa kakhulu kumpilakahle.
“Silesilimo esithiwa yi tsenza ngingazi ukuthi kwelemandebeleni sikhona na kodwa isilimo lesi yisilimo esitholakala okulamaqaphozi ama wetland kodwa abantu abanengi abasasiboni kangako ngoba abantu besikhangelela phansi njalo abafuni ukufunda ngakho ukuze singalahlekelwa yizilimo ezinje ezitholakala elizweni lethu so siyenza izifundo zokutshengisa abantu ukuthi no sikwanisa ukwenza ukudla okutshiyeneyo ngezilimo zonezi okwakha umzimba Itsenza isinika I vitamin A I calcium isinike le Iron.”
Umbukiso we “Good Food Festival” owenziwa minyaka yonke awenelisanga ukwenziwa nyakenye kusesabelwa isihudo se cholera, kodwa uvuselelwe lonyaka okuthabise abanengi abaphatheka kuwo.
