IZimbabwe ibhekane lodubo lwendlala njalo i-World Food Program (WFP) ithi kulabantu abafika phose izigidi ezintathu, 2.7 million abadinga usizo lokudla.
Ngalesi sikhathi amazwe omhlaba ekhangelane lodubo lokuguquka komumo womkhathi osekubangele ukuthi kutshintshwe indlela zokulima, uSikhwicamfundo Tafadzwa Mabhaudhi owesikolo seLondon’s
School of Hygiene and Tropical Medicine, waqhuba ucwaningo njalo waloba ugwalo ngendaba zokulima kuzwekazi leAfrica.
Kugwalo lolu uSikhwicamfundo Mabhaudhi ukhuthaza abalimi ukuthi balime izilimo ezitshiyeneyo hatshi ukulima isilimo esisodwa njengalokho obesekuvamile eZimbabwe lakwamanye amazwe.
Exoxa leStudio7 ingcwethi yezokuguquka komkhathi njalo engumqondisi wenhlanganiso ye-Africa Voluntary Carbon Credits Markets Forum, uMnu Anglistone Sibanda laye ukhuthaze abalimi ukuthi balime izilimo ezigadingi izulu elinengi ezifana lenyawuthi lamabele.
Forum