WASHINGTON —
Abalimi abanengi eZimbabwe bathi bayehluleka ukulima lonyaka ngenxa yokucaka kwamadonki lenkomo okubangelwe yisomiso esidalwe yisikhudumezi somkhathi ese-El Nino.
Abalimi eGwanda, Nkayi, Lupane, Tsholotsho, Plumtree, Hwange lezinye izigaba bathi lokhu kuzakwenza ukuba bengenelisi ukulima loba uhlangothi lukahulumende olubona ngezomkhathi olweMeteorological Services lusithi kulezulu elinengi elizakuna inyanga yonke.
Bathi izifuyo zicake okokuthi ezinye ziphose zife zidonsa amakhuba emasimini.
Sixoxe ngodaba lolu lenduna uNgwenyama Fuyana othi izifuyo kazikaqini kahle okokuthi zilime lonyaka.
Uthi abanye abantu abalemali basebenzisa amathalakitha loba kubadla kakhulu ezikhwameni.
Forum