Umongameli Robert Mugabe usesungule ugwalo olutsha oluzanika imvumo inkulungwane lenkulungwane zabalimi abahlalitshwa kutsha yokuba ngabanikazi bamaphulazi abawabelwa phansi kohlelo lokuhlaliswa kutsha kwabantu elizweni. Lokhu kubikwa kuyimizamo yokuphathisa abalimi laba ukuthola izikhwelede emabhanga lkunhlanganiso eziphathisa ngemali.
Lezi ngwalo zama permits oziphawulwe okusemthethweni emangweni weMakonde esigabeni seMashonaland West zibikwa zizathatha isikhundla sengwalo zama offer letters ezikade ziphiwa abalimi abatsha laba ngamahofisi akaDistrict Administrators.
Kodwa inengi labalimi kalisuthiseki ngaleli nyathelo lodwa ngoba lisithi uhulumende bekumele axoxisane labamabhanga lapho esungula uhlelo lwezingwalo zamapermits lolu ukuze bathole ithemba lokuthi inhlanganiso eziphathisa ngezikhwelede labamabhanga ukuthi bazazamakela ekuceleni izikhwelede loncedo lwemali yokuthuthukisa umsebenzi wabo.
Kusukela ekuqaliseni kohlelo lokwaba kutsha umhlabathi ngomnyaka ka2000, akula loyedwa umlimi oseke wenelisa ukuthola izikhwelede enhlanganisweni eziphathisa abalimi ngemali loba amabhanga ngoba ingwalo zama offer letters bezingemukelwa yilezi nhlanganiso.