Osomabhizimusi labanye abantu bathi kunzima ukusebenzisa imali yeZimbabwe Gold kumbe i-Z-I-G ekuthengeni lekuthengiseni impahla etshiyeneyo. Bathi bacina bengena emkambo wensitha lapho abathola khona amadollar eMelika uma besiyathenga impahla abayithengisayo. Kodwa kulabanye njalo abathi akulalutho oluguqukileyo selokhu imali le ifakwe emkambo wemali.
Abanye abathi kunzima ukusebenzisa iZ-I-G ngabalamabhizimusi amancane. Omunye wabo nguNkosazana Charity Mpofu, othenga impahla kwele South Africa.
Banengi abakusimo esifanayo eZimbabwe abathi ukusebenzisa iZ-I-G kufana xathu lalokhu obekusenziwa kusasetshenziswa imali yohlobo lwama bond. UMnu. Japhet Mpofu, usomabhizimusi weNyamandlovu, ngomunye wabangasebenzisi iZIG.
Bakhona abasekela okwenziwe libhanga elikhulu lelizwe eleReserve Bank of Zimbabwe elithi umuntu munye ngamunye kumele athole inkulungwane ezintathu – ZiG3,000 ngeviki. Amankampani akhangelelwe ukuba azathola inkulungwane ezingamatshumi amathathu ZiG30,000 ngeviki. UMnu. Anglistone Sibanda, umqondisi wenkampani ye-Afrique Technologies, ngomunye wabasekela ibhanga leli.
UMongameli Emmerson Mnangagwa uthi kumele abantu eZimbabwe basebenzise imali entsha ukuze ilizwe leli lithuthuke ngemfanelo. Abacubungula umnotho bezimele bathi iZimbabwe Gold izakuwa njengma bearers cheques kanye lama bond.
Forum