Abalandeli bebandla leMDC-T bathi inkokheli yabo elwela isikhundla sika muyi uMorgan Tsvangirai kumele bakhumisane umlotha ukwenzela ukuthi ibandla leli linqobe ele Zanu PF kukhetho oluzayo.
Abalandeli abanengi bathi kabasakwazi ukuthi benzenjani ngenxa yokulwisana kwabasekeli baka mongameli abagoqela uNkosazana Thokozani Khupe, uMnu. Nelson Chamisa loMnu. Elias Mudzuri.
UMaKhuphe uphose wasuselwa amanqe ngabanye abalandeli bebandla leli ngelanga kungcwatshwa uTsvangirai eBuhera. Lokhe etshaya phansi ngenduku esithi uChamisa wesaba ukukhetho emhlanganweni weExtra Ordinary Congress.
Ukuze sizwe okunengi ngodaba lolu, sixoxe loMnu. Muzi Ncube, unobhlala jikelele webandla leli kwele Melika, othi sokuzalele ingwe kubandla leMDC-T.
Omunye njalo umlandeli webandla leli, uMnu. Ian Sibanda, uthi uMaKhupe kabambane loChamisa ukwenzele ukuthi banqobe ibandla leZanu PF kukhetho oluzayo.
USibanda uthi ibandla leMDC-T lizaqina kakhulu nxa uMaKhupe, uChamisa loMudzuri bengaqakathekisa ilizwe hatshi isikhundla sikamongameli webandla leli.
