UMongameli Robert Mugabe sexwayise abalimi abensundu abalagisa amapulazi abo kubalimi abamhlophe ukuthi balakho ukuwathathelwa bengaqhubeka besenza lokhu.
Ekhuluma emngcwabeni kaMnu Reward Marufu umnewabo womkakhe, ngeSonto, uMugabe usole abalimi abensundu laba esithi nxa bengenelisi ukulima amapulazi abawaphiwa nguhulumende, kumele bawabuyisele ezandleni zikahulumende.
Imbiko le iza ngesikhathi uhulumende womanyano sevumelene ukuthi kubunjwe iqula elizahlaziya indlela amapulazi abiwe ngayo selokhu uhlelo lolu lwaqalayo.
Ukuhlaziya amazwi kaMugabe la, uNtungamili Nkomo weStudio 7 uxhume ingcwethi ecubungula ezombusazwe uMnu Effie Dlela Ncube.
