Idale elibona ngezomvikela welizwe, olweNational Security Council, libikwa lihlangene ngoLwesihlanu kulandela umhlangano obe khona ngoLwesine phakathi kukaMongameli Mugabe, inhloko kahulumende uMnu Morgan Tsvangirai lomsekeli wakhe uMnu Arthur Mutambara.
Abazi ngokwenzakalayo batshele iStudio 7 ukuthi abathathu laba baphathe kabanzi udaba lodlakela oluqhamuke eHarare emihlanganweni yokuqoqa imbono kazulu phezu kodaba lwesisekelo sombuso esitsha.
Babikwa behlafune njalo udaba lokungafezwa kwesivumelwano seGlobal Political Agreement.
Sesiside isikhathi abathathu laba bekhulumisana ngokuhluphayo kuhulumende kodwa kungela lutho olumqoka abaphuma lalo. Sixhume ingcwethi kwezombusazwe uMnu Brilliant Mhlanga ukuhlaziya loludaba.
