Inengi lithi lamukela ngenjabulo ukubunjwa kwekhomishini ebona ngokuhlaziya indaba eziphathelane lokwephulwa kwelungelo loluntu ngamasotsha lamapholisa lisithi kumele ihlaziye indaba zokuhlukuluzwa kwabantu ngesikhathi se Gukurahundi.
Lokhu kuphume emhlanganweni wokwamukela imibono kazulu ngabe dale lephalamende ngomthetho lo.
Umhlangano lo usuqhutshwe ezigabeni zonke zelizwe, njalo namuhla, ikhomithi yephalamdende ebona ngezomvikela ibise Harare lapho abanengi abatshengise ukukhathezeka ngodaba lwe Gukurahundi.
Omunye okhulume emhlanganweni lo ngu Mnu Younger Matendere othe kumele ikhomitshini le ikhangele izehlakalo zokuhlukunyezwa kwabantu kusukela ngesikhathi se Gukurahundi.
Lokhu kusekelwe ngomunye obesembuthanweni lo uMnu Liam Kanhenga.
Okunye uzulu akhala ngakho yikuba abantu abake basebenza kwezomvikela bengaphatheki kukhomitshini le ngoba kungabangela ukuthi abantu besabe ukupha imibono ngokuhlukunyezwa kwabo.
Ingcwethi kwezombusazwe uMnu Michael Ndiweni uthi kumele udaba lwe Gukurahundi lulungiswe.
Idale lephalamende lizaqhubeka lisizwa imibono kazulu ngalumthetho uze ulungisiswe.
Uhulumende kanye lebandla leZANU PF bahlezi belandula ukuthi abantu bayahlukuluzwa elizweni.
