Owake waqeqetsha iqembu lama Warriors walisa kusibanga esingakaze sifikwe kumbali yaleliqembu, uReinhard Fabisch obhubhe izolo kwele Germany sechazwe njengeqhawe ebeliqathekile kakhulu ekuthuthukisweni komdlalo wenguqu.
U Fabisch, owabumba iqembu laphiwa igama lokuthi yiDream Team, ubhubhe izolo ngemva kokuhlaselwa ngumkhuhlane wemvukuzane okwesikhathi eside.
Umqondisi weqembu lawa Warriors uErnest Sibanda utshele uNtungamili Nkomo weStudio 7 ukuthi ngokufa kuka Fabisch, umdlalo wenguqu ulahlekele kakhulu, esithi makalale ngokuthula oka Fabisch.
